GDG DevFest 2025 festivali

2025-yil 6-dekabr kuni kompaniyamiz GDG DevFest 2025 festivalining bosh homiysi sifatida ishtirok etdi.

Festivalda 2 000 dan ortiq ishtirokchi va Google, Yandex, TikTok, Pinterest hamda Bank of America kabi kompaniyalardan 13 nafar xalqaro spiker qatnashdi. GDG DevFest — bu Google Developers Group tomonidan har yili o‘tkaziladigan global tadbirlardan biri bo‘lib, unda dasturchilar, IT-mutaxassislar va texnik mutaxassislar Google’ning so‘nggi texnologiyalari va ishlanmalari bilan tanishadilar.

Mustafoyev Jaloliddin “Qanday qilib xavfsiz CI/CD qurish mumkin?” mavzusidagi taqdimotida ishlab chiqish jarayonining barcha bosqichlarida xavfsizlikni ta’minlashga oid asosiy amaliyotlar va vositalarni yoritib berdi.

Bizning stendimiz tadbir ishtirokchilarining katta e'tiborini tortdi.